نرخى نەوت لە ئاستێکى بەرزدا جێگیرە

964+

وریا فەتاح

چەند رۆژێکە نرخى نەوت روولە بەرزبوونەوەیە و ئەمڕۆش نرخى یەک بەرمیل لەبن 75 دۆلار مامەڵەى پێوە دەکرێت، ساڵى پار ئەمڕۆش لە سەروو 77 دۆلارەوە بوو.

ئەمڕۆ دووشەممە 31.12.2024، نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 74 دۆلار و 39 سەنت دیاری کراوە و بەراورد بە دوێنێ نرخەکەی 0.22% بەرز بووەتەوە.

هەروەها نرخی یەك بەرمیل نەوتی سووكی تێكساس بە 71 دۆلار و 63 سەنت مامەڵەی پێوە دەکرێت و بەڕێژەی 0.64% بەرز بووەتەوە.

ساڵى پار لە 31.12.2023، نرخى یەک بەرمیل خاوى برێنت بە 77 دۆلار و 4 سەنت مامەڵەی پێوە کراوە، یەک بەرمیل نەوتی خاوی ئەمەریکی بە 71 دۆلار و 65 سه‌نت بووە.

دوای کەوتنی رژێمی سوریا و گۆڕانکارییە خێراکانی ناوچەکە و خواستى وڵاتان، نرخى نەوتى بەرەو خوارەوە برد، بەڵام چەند رۆژێکە روو لە بەرز بوونەوەیە.

نرخی نەوت روو لە بەرزیە