لە سلێمانی
ماتۆڕسوارێك تەقەی كردووە و كەسێك بریندارە
964+
ئەحمەد محەمەد – سلێمانی
كاتژمێرێك لەمەوبەر، ماتۆڕسوارێك لەگەڕەكی خەباتی سلێمانی تەقەی لە كەسێك كردووە و برینداری كردووە.
سەركەوت ئەحمەد، وتەبێژی پۆلیسی سلێمانی بە964ـی وت، كاتژمێرێك لەمەوبەر لەگەڕەكی خەباتی شاری سلێمانی ماتۆڕسوارێك تەقەی لەكەسێك كردووە و فیشەك بەر دەستی كەسەكە كەوتووە و بریندارە.
وتیشی، بریندارەكە رەوانەی نەخۆشخانەی شار كراوە و دۆخی تەندروستی جێگیرە.
ئەوەشی خستەڕوو، لەئێستادا پۆلیسی فریاكەوتن سەرقاڵی لێكۆڵینەوەن لە رووداوەكە و هۆكاری تەقەكردنی ماتۆڕسوارەكە.
پێداچوونەوە: توانا نەقی
