وەزارەتی ناوخۆ داوا لە کارمەندەکانی دەکات فریای موچەکانیان بکەون

964+

ژوولی عەدنان

ئەو ئەفسەر و کارماندانەی سەر بە وەزارەتی ناوخۆن پێویستە بە زووترین کات کارتی نیشیمانی دەربکەن، ئەوانەشی سەر بە ناوچە جێناکۆکەکانن سەردانی بەشی تۆماری بەڕێوەبەرایەتی رەگەزنامە و کارتی نیشتیمانی هەولێر یا دهۆک بکەن، ئەگینا موچەکانیان کێشەی تێدەکەوێت.

بەڕێوەبەرایەتی پاسپۆرتی سلێمانی بڵاویکردووەتەوە کە وەزارەتی ناوخۆ نووسراوێکیان بۆ ناردوون ” هەر کەسێک کارتی نیشتیمانی نییە پەلە بکات لە دەرهێنانی ئەگەرنا کاریگەری لەسەر موچەکانیان دەبێت”.

هەر لە نووسراوەکەدا هاتووە کە ” ئەوانەی سەر بە ناوچە دابڕێنراوەکانی ماددەی 140 ن دەتوانن سەردانی بەشی تۆماری بەڕیوەبەرایەتی رەگەزنامە و کارتی نیشتیمانی هەولێر یا دهۆک بکەن”.

باسیان لەوەشکردووە کە ئەم پرۆسەیە یەکێکە لە داواکارییەکانی حکومەتی ئیتیحادی و کاریگەری لەسەر موچەکانیان دەبێت ئەگەر نەیکەن.