سەرەڕای گرژییەکانی سوریا نرخی نەوت بەردەوامە لە بەرزبوونەوە

شۆڕش قادری

گرژییەکانی سوریا لە هەفتەی رابردوودا کەمێک نرخی نەوتی دابەزاند، بەڵام چەند رۆژێکە روو لەسەرە و ئەمڕۆش لە 75 دۆلار نزیک بووەوە.

ئەمڕۆ شەممە 14.12.2024 نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 74 دۆلار و 49 سەنت دیاری کراوە.

هەروەها نرخی یەك بەرمیل نەوتی سووكی تێكساس بە 71 دۆلار و 29  سەنت مامەڵەی پێوە دەکرێت و بەروارد بە دوێنێ زیاتر لە دۆلارێک بەرزبووەتەوە.

دوای کەوتنی رژێمی سوریا و گۆڕانکارییە خێراکانی ئەو ناوچەیە، نرخی نەوت کەمێک دابەزینی بەخۆیەوە بینی، بەڵام لە رۆژی پێنجشەممەوە جارێک تر رووی لە بەرزبوونەوە کردووەتەوە.