گرافیک؛ 964+
شۆفێری تاكسییه‌ك هۆكار بووه
پیاوه ونبووه‌كه‌ى ئاكرێ له هه‌ولێر دۆزرایه‌وه
964+
فه‌رهاد حه‌سه‌ن
زیاتر له 24 كاتژمێر پیاوێكی دانیشتووى ئاكرێ ونبوو، به‌ڵام له‌هه‌ولێر دۆزریه‌وه و وه‌ك خۆى باسی كردوه شۆفێری تاكسییه‌ك بووه‌ته هۆكارى ونبوونه‌كه‌ى.
پیاوه‌كه، ناوى فه‌رهاد عوسمان ته‌مه‌ن 40 ساڵ، له رۆژى سێشه‌ممه‌وه له‌ماڵ چووته‌ده‌ر و نه‌گه‌ڕایه‌وه.
دڵشاد عوسمان، براى فه‌رهاد به 964ـى وت، له‌هه‌ولێر براكه‌یان دۆزیوه‌ته‌وه و ئه‌مڕۆش هێناویه‌تیانه‌وه ئاكرێ.
وتیشی “به تاكسییه‌ك له ئاكرێوه چووه‌ته به‌رده‌ڕه‌ش و له‌وێشه‌وه به تاكسییه‌كى دیكه چووه‌ته هه‌ولێر بۆ ئه‌وه‌ى سه‌ردانى ماڵه خزمێك له مه‌لائۆمه‌ر بكات، به‌ڵام به‌هۆى ئه‌وه‌ى پاره‌ى ته‌واوى پێنه‌بووه تاكسییه‌كه نه‌یگه‌یاندووه‌ته مه‌لائۆمه‌ر و له‌ناو بازاڕى هه‌ولێر دایناوه”.
ئاشكراى كرد، براكه‌یان بارى ده‌روونى ته‌واو نییه، به‌ڵام یه‌كه‌مجاره ونده‌بێت، هه‌ر ئه‌مه‌ش وایكردووه له‌هه‌ولێر نه‌توانێت بچێته مه‌لائۆمه‌ر، وه‌ك ئه‌وه‌ى قسه‌شیان له‌گه‌ڵ كردووه نازانن ئه‌و شه‌وه له هه‌ولێر له كوێ ماوه‌ته‌وه.
