سبەی لە چەمچەماڵ و ناحیەكانی دەوروبەری نەوت دابەش دەكرێت

964+

ئەرسەلان عەبدوڵا

قایمقامیەتی قەزای چەمچەماڵ بڵاویكردەوە، سبەی لە قەزاكە و ناحیەكەیانی دەوروبەری، نەوتی سپی بەسەر ماڵاندا دابەش دەكرێت.

قایمقامیەتی چەمچەماڵ ئەمڕۆ شەممە 23.11.2024 لە راگەیاندنی خۆی بڵاویكردەوە، هاوڵاتیانی سەنتەری قەزا و ناحیەكانی دەوروبەری ئاگادار دەکەنەوە، سبەی یەكشەممە نەوتی سپی دابەش دەکرێت.

هەروەها ئاماژەیان بەوە كردووە، پێویستە هاوڵاتیان لە كاتی وەرگرتنی بەشە نەوت کارتی زیرەکی نەوت و کۆپی ناسنامە یان کارتی نیشتمانی پێ بێت.

قایمقامیەتی قەزای چەمچەماڵ هەروەها رایگەیاند، سبەی لە سەنتەری چەمچەماڵ، ناحیەكانی شۆڕش، ئاغجەلەر، تەكیە و سەنگاو نەوت دێتە دابەشكردن.

ئەو نەوتەی دابەش دەكرێت، بڕەكەی 200 لیترە و نرخەكەشی 104 هەزار دینارە.

دابەشکردنی نەوتی سپی لە قەزای چۆمان دەستیپێکرد