لە رۆژانی سەرژمێریدا هاتوچۆ لە مەرزی باشماخ ئاسایی دەبێت

964+

ئەرسەلان عەبدوڵا

بەڕێوەبەرایەتیی کۆمەڵگای دەروازەی نێودەوڵەتیی باشماخ رایگەیاند، لە رۆژانی سەرژمێریی گشتیدا هاتوچۆ لە مەرزەكەدا ئاسایی دەبێت.

مەریوان كەریم بەرپرسی راگەیاندن و پەیوەندییەكانی دەروازەكە بە 964ی راگەیاند، لە رۆژانی 20 تا 24ی ئەم مانگە و لە رۆژانی سەرژمێریی گشتیدا، هاتوچۆ لە مەرزی نێودەوڵەتیی باشماخ ئاسایی دەبێت و سەرجەم فەرمانگەکان لە ئەرکدا دەبن بۆ خزمەتی هاوڵاتیان.

رۆژانی 20 و 21ی ئەم مانگە پرۆسەی سەرژمێریی گشتی لە هەرێمی كوردستان و عێراق بەڕێوەدەچێت، بۆ ئەمەش قەدەغەی هاتوچۆ راگەیاندراوە، بەڵام هاتوچۆی دەروازەكان و فڕۆكەخانەكان ئاسایی دەبێت.

رێگای خێرای باشماخ- پێنجوێن کرایەوە