نزیکەی دوو ملیار دینار ئاڵوگۆڕی بازرگانی کرا
پێنجەمین فێستیڤاڵی بازاڕی گەرمیان کۆتاییھات
964+
میلاد جەلال – گەرمیان
دوای چوار ڕۆژ، پێنجەمین فێستیڤاڵی بازاڕ لە گەرمیان کۆتاییھات، نزیکەی 205 ھەزار کەس سەردانی فێستیڤاڵەکەیان کرد و زیاتر لە ملیارێک و 900 ملیۆن دیناریش ئاڵوگۆڕی بازرگانی کرا.
پێنجەمین فێستیڤاڵی بازاڕ لە گەرمیان رێکدەخرێت
ھێرش فەیزوڵا، بەڕێوەبەری گشتیی گەشتوگوزاری گەرمیان بە 964ـی وت، “فێستیڤاڵی ئەمساڵ لە ساڵانی پێشوو باشتر بوو لە رووی سەردانی گەشتیاران و فرۆشی بەرهەمی خاوەنکارەکانەوە”.
“305 خاوەنکار و کۆمپانیا و فرۆشیار بەشداری فێستیڤاڵەکەیان کرد، کە 62٪ـیان کچ و ژن بوون، لەگەڵ ئەوەشدا فێستیڤاڵەکە ھەلی کاری بۆ نزیکەی دوو هەزار و 700 گەنجی سنوورەکە رەخساند”، ھێرش فەیزوڵا وای وت.
ئاماژەی بەوەش کرد، نزیکەی 205 ھەزار گەشتیار لە گەرمیان و ناوچەکانی دیکەی ھەرێمی کوردستانەوە سەردانی فێستیڤاڵەکەیان کردووە، بە قەبارەی زیاتر لە ملیارێک و 900 ملیۆن دیناریش ئاڵوگۆڕی بازرگانی کراوە.
پێداچوونەوە: شۆڕش قادری
گەشتوگوزاری گەرمیان کەوتنەخۆیان و فێستیڤاڵ دەکەن
