لە دهۆک گەنجێک بەدەستی پورزاکەی و بە چەقۆ کوژرا
لە دهۆک
گەنجێک بەدەستی پورزاکەی و بە چەقۆ کوژرا
964+
هێڤی دێوالی – دهۆک
لە دهۆک شەڕە چەقۆ لە نێوان دوو گەنج روویدا کە پورزای یەکترن، یەکێکیان کوژرا و ئەوەی دیکەشیان بریندار بوو.
سەرچاوەیەک لە تەندروستی دهۆک بە 964ـی وت، “درەنگانی شەوی رابردوو لە گەڕەکی ماڵتای دهۆک دەمەقاڵی و شەڕەچەقۆ لە نێوان دوو گەنجدا روویداوە و دواتر یەکێک لە گەنجەکان کوژراوە و ئەوەی دیکەشیان بریندار بووە.”.
“گەنجەکان پورزای یەکترن و ئەوەی کە کوژراوە تەمەنی 26 ساڵە و تەرمەکەی بۆ پشکنین رەوانەی پزیشکی دادی دهۆک کراوە”، سەرچاوەکە وای وت.
ئاماژەی بەوەش کرد، تا ئێستا هۆکاری رووداوەکە بە وردی نەزانراوە و لێکۆڵینەوەی پۆلیس و هێزە ئەمنییەکان لە رووداوەکە دەستیپێکردووە.
پێداچوونەوە: شۆڕش قادری
"هاوڵاتییەکەى دهۆک لەسەر قسەکردن بە زمانى کوردى لە ئیستانبوڵ کوژراوە
