وەزیری ناوخۆی عێراق خۆی گەیاندە شاری بەسڕە
لە بەسڕە
وەزیری ناوخۆی عێراق خۆی سەرپەرشتی ئاسایشی یاریی عێراق و ئوردن دەكات
964+
ئەرسەلان عەبدوڵا
وەزیری ناوخۆی عێراق خۆی گەیاندە شاری بەسڕە، بۆ سەرپەرشتیكردنی ئاسایشی یاریی عێراق و ئوردن.
وەزارەتی ناوخۆی عێراق ئەمڕۆ پێنجشەممە 14.11.2024 رایگەیاند، وەزیری ناوخۆ عەبدولئەمیر شمەری ئەمڕۆ گەیشتە شاری بەسڕە بۆ سەرپەرشتیكردنی پرۆسەی دابینكردنی ئاسایشی یاریی نێوان هەردوو هەڵبژاردەی عێراق و ئوردن.
یاریی هەردوو هەڵبژاردە ئەمڕۆ ئێوارە كاتژمێر 7:15 خولەك لە پاڵاوتنەكانی مۆندیالی 2026 لە یاریگەی نێودەوڵەتی بەسڕە دەكرێت و جەماوەر و هاندەرێكی زۆر لە سەرانسەری عێراق و هەروەها ژمارەیەك هاندەری ئوردنییش روویان لە بەسڕە كردووە.
