دوو لاپەڕە لە ئامارەکەی بەرگری شارستانی هەولێر... گرافیک؛ 964+
ته‌نیا یه‌ك شوێنی ئایینى سووتاوه
دوو هه‌زار و 57 رووداوى ئاگركه‌وتنه‌وه لە هەولێر تۆماركراوە
964+
فه‌رهاد حه‌سه‌ن
به‌رگریى شارستانیى هه‌ولێر ده‌ڵێت، له ماوه‌ى 10 مانگى ئه‌مساڵدا زیاتر له دوو هه‌زار رووداوى ئاگركه‌وتنه‌وه له هه‌ولێر رووویانداوه و زۆرترینیان له پووش و په‌ڵاش بووه و كه‌مترینیشان له شوێنه ئایینى و به‌شه ناوخۆییه‌كان بووه.
به‌پێی ئامارێك، كه كه‌مێك پێش ئێستا وته‌بێژى به‌ڕێوه‌به‌رایه‌تى به‌رگریى شارستانیى هه‌ولێر له گروپی میدیاكاران له واتساپ بڵاویكردووه‌ته‌وه، له ماوه‌ى 10 مانگى رابردووى ئه‌مساڵدا دوو هه‌زار و 57 رووداوى ئاگركه‌وتنه‌وه‌یان تۆمار كردووه، 842 رووداویان له‌ناو پووش و په‌ڵاش بووه و ته‌نیا یه‌ك شوێنى ئایینى و یه‌ك به‌شه ناوخۆییش سووتاون.
له ماوه‌ى 10 مانگى رابردوودا 246 حاڵه‌تى ئاگركه‌وتنه‌وه له ماڵه‌كان روویانداوه و 273 ئۆتۆمبێلیش سووتاون.
هه‌ر به‌پێی ئاماره‌كه 28 هاوڵاتی خنكاون، 22 مردوو 86 بریندار و 56 هاوڵاتیشیان له مردن و 11 ئۆتۆمبێلیشیان له لافاو رزگاركردووه.
