چەند رێنماییەکی گرنگ بۆ هێورکردنەوەی سەگ

964+

دەشتی عارف – هەولێر

تا دڵ بیەوێ سەگی بێلانە لە کوچە و کۆڵانی شارەکانی کوردستان دەبینرێن و لە ماوەی رابردووشدا چەند جارێک هاوڵاتیان لەلایەن ئەو سەگانەوە پەلامار دراون، بۆیە زانینی چەند رێنماییەک بۆ هێورکردنەوەی سەگ لەکاتی پەلاماردان پێویستە.

سەگى بێلانە کچێکى تەمەن 10 ساڵیان لەت لەت کرد

رزگار فەرهاد خاوەنی سەنتەری راهێنان بە سەگ بە 964ـی وت، “باشترین کار ئەوەیە، منداڵەکانمان بەشێوەیەک پەروەردە بکەین کە هاوڕێیەتی سەگ بکەن لەجیاتی ئەوەی لێی بدەن، چونکە ئەمە وا دەکات سەگەکان نەرم و نیان بن و پەلاماری هاوڵاتیان نەدەن”.

“سەگ لە دەنگی بەرز و رووبەڕووبوونەوە دەترسێت و ئەگەر کەسێکتان بینی خەریکە لەلایەن سەگەوە پەلامار دەدرێت، باشتر وایە بەرەوڕووی سەگەکە بڕۆن، نەک ئێوەش هەڵبێن و هاتوهاوار بکەن”، رزگار فەرهاد وای وت.

وتیشی، ئەگەر هاتوو سەگ پەلاماریـدان، هەوڵبدەن ئارام بن و کەمترین جوڵە بکەن، ئەگەریش توانیتان قوڕگ یان هەر دوو گوێی سەگەکە بگرن، تا ئەو کاتەی ئارام دەبێتەوە.

پێداچوونەوە: شۆڕش قادری

سەگی بێلانە پەلاماری منداڵێكی دا

لە گوندێکى پشدەر سەگى بێلانە کارەساتى نایەوە

لە هەولێر چەند سەگی بێلانە هەیە و چەندیان لە شێڵتەرەکانن؟