نرخى نەوت بەرز بووەوە
یەکەم رۆژى هەفتەیەکى نوێى بازاڕى نەوتە
964+
وریا فەتاح
لەگەڵ دەستپێکى سەرەتاى هەفتە بۆ بازاڕى نەوت، نرخەکەى بەرەو بەرزبوونەوە هەنگاوینا.
بە پێی دەستپێكی مامەڵەكانی ئەمڕۆ دووشەممە 4.11.2024 نرخی یەك بەرمیل نەوتی برێنت بە 74.24 دۆلار مامەڵەی پێوەدەکرێت، بەرێژەى 1.24 سەنت بەرز بووەتەوە، هەروەها بەرمیلێك نەوتی سووكی تێكساسیش بە 70 دۆلار و 66 سەنتە و بەراورد بە رێژەى 1.14 سەنت بەرز بووەتەوە.
دوو هەفتەیەکە نرخی نەوت لە بازاڕەکانی جیهاندا بەراورد بە چەند هەفتەی پێشخۆى کەمێک بە جێگیری ماوەتەوە یان گۆڕانکارییەکی کەمی تێدا روودەدات.
لە دوای هێرشە سنووردارەكەی ئیسرائیل بۆ سەر ئێران و بەردەوامیی ئاڵۆزییەكانی رۆژهەڵاتی ناوەڕاست، هەروەها كەمبوونەوەی خواست لەسەر نەوت، وای كرد نرخی نەوت زیاتر دابەزێت، بەڵام لە دوو رۆژی رابردوودا کەمێک بەرزبووەوە.
