دەزگای دژەتیرۆری عێراق: دوو تیرۆرستمان لە سلێمانی دەستگیر کرد

964+

ژووری هەواڵ

دەزگای دژەتیرۆری عێراق دەستگیرکردنی دوو کەسی بە تۆمەتی “تیرۆر” راگەیاند و دەڵێت، لەگەڵ دەزگای ئاسایشی هەرێم لە پارێزگای سلێمانی دەستگیریان کردوون.

ئەمڕۆ شەممە 12.10.2024، دەزگای دژەتیرۆری عێراق رایگەیاند، لەسەر بنەمای زانیاری زنجیرەیەک ئۆپەراسیۆنیان لە سلێمانی و ناوچەیەکی دیکە ئەنجامداوە و دوو “تیرۆرستیان” لە سلێمانی دەستگیر کردووە لەگەڵ بەرپرسێکی ئەمنی داعش لە پارێزگای ئەنبار.

ئەو بەرپرسە ئەمنییەی داعش، کە لە ئەنبار دەستگیر کراوە، “پێشتر بەشداری زۆرێک لە شەڕەکانی [داعشی] کردووە لە پارێزگاکە”.

لە پارێزگای کەرکوکیش، هێزەکانی عێراق چەند هێرشێکی ئاسمانیان ئەنجامداوە و 13 پێگەی چەکدارانی داعشیان کردووەتە ئامانج کە بۆمبیان تێدا بووە.

دژەتیرۆر: تیرۆرستێکمان دەستگیر کرد وەک شوان کاریکردووە