رووداوێکى هاتوچۆ لە ناحیەى کەڵەک...وێنە: هاتوچۆى دهۆک
لە ناحیەی کەڵەک
لە رووداوێکی هاتوچۆ کەسێک گیانی لەدەستدا و شەشی دیکەش برینداربوون
964+
شۆڕش قادری
لە ناحیەی کەڵەک سەر بە پارێزگای دهۆک، بارهەڵگرێک و پیکابێک بەیەکیاندادا و بەهۆیەوە کەسێک گیانی لەدەستدا و شەشی دیکەش برینداربوون.
ئازاد تەها وتەبێژی پۆلیسی هاتوچۆی دهۆک لە پەڕەی تایبەتی خۆی لە تۆڕی کۆمەڵایەتی فەیسبووک نوسیویەتی، ” کاتژمێر پێنجی ئێوارەی ئەمڕۆ هەینی 11.10.2024 لە سەر رێگای بەردەڕەش بۆ ناحیەی کەڵەک لە نزیک گوندی گردەپان، رووداوێکی هاتوچۆ لە جۆری پێکدادان لە نێوان بارهەڵگرێک و پیکابێک روویداوە”.
“لە رووداوەکەدا کەسێک گیانی لەدەستداوە و شەش کەسی دیکەش بریندار بوون”، ئازاد تەها وای نوسیوە.
بۆ وەرگرتنی زانیاری زیاتر دەربارەی رووداوەکە، 964 پەیوەندی بە ئازاد تەها وتەبێژی پۆلیسی هاتوچۆی دهۆکەوە کرد، بەڵام وەڵامی پەیوەندییەکەی نەدایەوە.
بەهۆی رووداوی هاتوچۆ چوار ئەندامی خێزانێک گیانیان لەدەست دا
