لە سلێمانی
بەرزبوونەوەی نرخی دۆلار سەوزە و میوەی هاوردەی گران كردووە
+964
دیلان محەمەد جەزا
بەرزبونەوەی نرخی دۆلار کاریگەریی لەسەر نرخی سەوزە و میوە دروست کردووە لە عەلوەی سلێمانی و جوڵەی بازاڕ کەمی کردوە.
سەروەر عەلی سەرۆکی سەندیکای عەلوەی سلێمانی بە 964 وت، بەهۆی بەرزبونەوەی نرخی دۆلار نرخی ئەو سەوزە و میوانە بەرزبوونەتەوە، کە هاوردەن.
باسی لەوەش کرد، هۆکارەکەی بۆ مامەڵەکردنە بە دۆلارەوە لەگەڵ وڵاتی ئێران، کە لەوێشەوە نرخی دۆلار گۆڕانکاری بەسەردا هاتووە.
وتیشی، گرانبوونی نرخەکان بە جۆرێکە، نرخی کیلۆیەک میوە لە 100 بۆ 500 دینار بەرزبوەتەوە.
هەفتەیەك زیاترە بەهۆی گرژی و ئاڵۆزییەكانی ناوچەكە، نرخی دۆلار بەرامبەر دیناری عێراقی بەرزبووەتەوە، ئەمەش كاریگەریی بەسەر بازاڕ و نرخی كەلوپەل و خۆراك دروست كردووە.
پێداچوونەوە: ئەرسەلان عەبدوڵا
