دیمەنی بەشێک لە پڕۆژەکە کە کاری تێدا دەکرێت وێنە: ئاو و ئاوەڕۆی هەرێم
لە ناحیەی بازیان
سێ هەزار و 500 کەس کێشەی کەمئاویان نامێنێت
+964
ژێوار خدر
چەند کۆڵانێکی گەڕەکی ئاشتی – پێشەوا لە ناحیەی بازیان، تۆڕی ئاویان بۆ راکێشراوە و کێشەی کەم ئاویان چارەسەر دەکرێت.
بەڕێوەبەرایەتی گشتی ئاو و ئاوەڕۆی هەرێم رایگەیاند، پڕۆژەکە بە بڕی 141 ملیۆن و 122 هەزار و 500 دینار، لەلایەن هۆبەی پرۆژەکانی بەڕێوەبەرایەتی ئاوی دەوروبەری سلێمانی سەرپەرشتی دەکرێت.
دەشڵێت، ئێستا %65ـی کارەکانی پڕۆژەکە تەواو بووە و سێ هەزار و 500 هاوبەشی ئاو بە تەواوبوونی پڕۆژەکە لەو دوو گەڕەکە سودمەند دەبن و کێشەی کەم ئاوییان نامێنێت.
ناحیەی بازیان یەکێکە لە سێ ناحیەکەی قەزای سلێمانی لە پارێزگای سلێمانی، ساڵی 2020 ژمارەی دانیشتوانەکەی 50 هەزار و 833 کەس بووە.
