دەیانویست بەروارى نوێى لێبدەن و ساغى بکەنەوە
لە سلێمانى حەوت تۆن و نیو برنجى خراپبوو دەستى بەسەرداگیرا
964+
دیلان محەمەد جەزا- سلێمانى
لیژنەکانى قایمقامییەتى سلێمانى لە کۆگایەگى گەڕەکى ئازادی دا دەستیانگرت بەسەر حەوت تۆن و نیوو برنجى بەسەرچوو و خراپدا کە دەیانویست لە بازاڕدا ساغى بکەنەوە.
ئازاد نەبى، نوێنەرى تەندروستى لە لیژنەکانى قایمقامییەتى سلێمانى بە 964ـى وت،”ئەو برنجە کە بڕەکەى حەوت تۆن و نیوە خراپبوو و بەسەر چووە و خاوەنەکەى سەرقاڵى ئەوە بوو لە گوێنى نوێ و بە بەروارى نوی بیگۆڕێت و لە بازاڕدا ساغى بکاتەوە”.
جەختیشى کردەوە کە کۆگاکەیان داخستووە و خاوەنەکەى رووبەڕووى یاسا دەکرێتەوە.
پێداچوونەوە: وریا فەتاح
