دیمهنێكى كاتى پاككردنهوهى یهكێك له ناوچه پیشهسازییهكانى هه‌ولێر ... وێنه: بەڕێوەبەرایەتی خزمەتگوزاری و ژینگەپارێزی
30 ژینگه‌پارێز كاره‌كه‌یان كرد
هه‌ردوو ناوچه‌ى پیشه‌سازى باكوور و باشوورى هه‌ولێر خاوێنكرانه‌وه
964+
فه‌رهاد حه‌سه‌ن
هه‌مووهه‌ینییه‌ك بەڕێوەبەرایەتی خزمەتگوزاری و ژینگەپارێزی به ده‌رفه‌تى ده‌زانێت روو له هه‌ردوو ناچه پیشه‌سازییه‌كه‌ى هه‌ولێر بكات بۆ خاوێنكردنه‌وه‌ى، ئه‌م هه‌ینییه‌ش 30 ژینگه‌پارێز كارى شوشتن و خاوێنكردنه‌وه‌كه‌یان ئه‌نجام داوه.
ژیار جه‌لال، به‌ڕێوه‌به‌رى ئه‌م به‌ڕێوه‌به‌رایه‌تییه كه سه‌ر به شاره‌وانى هه‌ولێره به 964ـى وت، جگه له‌وه‌ى رۆژانه‌ش زبڵ و پاشماوه‌كانى ئه‌م دوو ناوچه پیشه‌سازییه كۆده‌كرێنه‌وه، هه‌موو هه‌ینییه‌كیش به ته‌واوه‌تى خاوێنى ده‌كه‌نه‌وه.
وتیشی “ئه‌مڕۆ شه‌ش تۆن و نیو پاشماوه له هه‌ردوو ناوچه‌كه كۆكرانه‌وه و ته‌واوى شه‌قام و كۆڵانه‌كانیشی شووشتران”.
30 ژینگه‌پارێزه‌كه له‌رێگه‌ى ژماره‌یه‌ك شۆفڵ، قه‌لاب، تانكه‌ر و بۆب كات، ئه‌م كاره‌یان كردووه.
ئاماژه‌ى به‌وه‌شكرد، رۆژانى هه‌ینى خاوه‌نكاره‌كانى ئه‌م دوو ناوچه پیشه‌سازییه له پشوودان و دوكانه‌كانیشیان داخراون، ئه‌وانیش به‌سوود وه‌رگرتن له چۆڵى شه‌قام و كۆڵانه‌كان، به‌ده‌رفه‌تى ده‌زانن هه‌موو هه‌ینییه‌ك بیشۆن و پاكی بكه‌نه‌وه.
