بەهۆی دواکەوتنی موچەکانیان
فەرمانبەرانی دادنوسی کەلار دوو رۆژە بایکۆتی دەوامیان کردووە
+964
میلاد جەلال – گەرمیان
بەھۆی دواکەوتنی مووچەکانیان، فەرمانبەرانی فەرمانگەی دادنووسی کەلار لە دوێنێ یەکشەممەوە 11.8.2024 بایکۆتی دەوامیان کردووە.
یەکێک لە فەرمانبەرانی فەرمانگەکە کە نەیویست ناوی بھێنرێت بە 964ـی وت،”دوێنێ یەکشەممە دەستیان بە بایکۆت کردووە و نەگەڕاونەتەوە دەوام بەھۆی ئەوەی مووچەکانیان دواکەوتووە”
ئاماژەی بەوەشکرد،”تاوەکو مووچەکانمان وەرنەگرین ئامادەنین بگەڕێینەوە بۆ دەوام”
پەیامنێری 964 پەیوەندیکرد بە سیامەند محەمەد، بەڕێوەبەری فەرمانگەی دادنووسی کەلار، تەنھا ئەوەی وت،”لەسەر ئەو بابەتە ھیچ قسەیەک ناکەن”
پێداچوونەوە: توانا نەقی
