نرخی نەوت بەرزبووەوە

+964

توانا نەقی

دوای شکانە زۆرەکەی دوورۆژی رابردووی نەوت کە هاتە خوار 80 دۆلار ئەمڕۆ جارێکی دیکە نرخی نەوت چووە سەرووی 80 دۆلار و بە ڕێژەی زیاتر لە 2% بەرزبووەتەوە.

یەکێک لە هۆکارەکانی ئەم بەرزبوونەوەی نرخی نەوت بە رای چاودێران دەگەڕیتەوە بۆ زیادبوونی گرژیەکانی نێوان ئیسرائیل و لوبنان، هەروەها کوژرانی ئیسماعیل هەنیە کە تاران.

بەپێى داتاکانى بازاڕى جیهانى بۆ ئەمڕۆ پێنجشەممە، هەر بەرمیلێک نرخی نەوتی برێنت بە 80 دۆلار و 72 سەنت مامەڵەى پێوە دەکرێت، بەوەش نرخەکەی 2.09% بەرزبووەتەوە

هاوکات نرخی نەوتی سووکی تێکساسی ئەمریکا 78 دۆلار و 68 سەنتە ئەویش بە رێژەی 0.77% بەرزبووەتەوە.

بەپێی راپۆرتى پەیمانگەی نەوتی ئەمریکا، هەفتەی رابردوو قەبارەی نەوتی کۆگاکراو لەو وڵاته‌ سێ ملیۆن و 900 هەزار بەرمیل کەمیکردووە، هاوکات قەبارەی بەنزینی کۆگاکراویش 2.8 ملیۆن بەرمیل کەمیکردووە لە هەمان ماوەدا.