دەیان بازرگانى ناوخۆیى و دەرەکى دەستگیرکراون
لە هەشت مانگدا نزیکەى یەک هەزار کیلۆگرام مادەى هۆشبەر دەستى بەسەرداگیراوە
964+
وریا فەتاح
ئەنجومەنى ئاسایشى هەرێم بڵاوى کردەوە، لەماوەى هەشت مانگ و 15 رۆژى رابردوودا، نزیکەى 1000 کیلۆگرام مادەى هۆشبەر دەستی بەسەرداگیراوە و دەیان بازرگانیکەریش دەستگیرکراون.
ئەنجومەنى ئاسایشى هەرێم لە راگەیەنراوێکدا، ئامارى هەشت مانگ و نیوى رابردوو 24ـى تشرینى یەکەمى 2023 تا 12ـى تەمووزى 2024ـى بڵاوکردەوە،
بەپێى ئەو راگەیەنراوە بێت، لەو ماوەیەدا دەیان کەس بە تۆمەتى بازرگانیکردن بە مادە هۆشبەرەکان دەستگیرکراون کە بازرگانى ناوخۆیى و دەرەکى و نێودەوڵەتى تێدایە.
هەر لەو ماوەیەدا 952 کیلۆگرام مادەى هۆشبەر دەستیبەسەرداگیراوە بەم شێوەیە:
5 کیلۆگرام جۆرى هێرۆین
89 کیلۆگرام جۆرى حەشیش
3 کیلۆگرام جۆرى ماریجوانا
28 کیلۆگرام جۆرى تلیاک
205 کیلۆگرام جۆرى کریستاڵ
51 کیلۆگرام جۆرى کریستاڵى تێکەڵ شلەمەنى
365 کیلۆگرام جۆرى حەبى هۆشبەر لە جۆرى کاپتاگۆن کە دوو ملیۆن و 200 هەزار دەنکە
206 کیلۆگرام جۆرى حەبى جۆرى کاپتاگۆن پێچراوە بە فوم کە ملیۆنێک و 200 هەزار دەنکە
28 هەزار و 944 شیت حەبى هۆشبەر لە جۆرى ترامادۆڵ
