دیمەنێكی شاری هەولێر. وێنە :964
پڕۆژەکان ئاو، ئاوەڕۆ، کارەبا و شەقام دەگرێتەوە
بە گوژمەی 59 ملیار دینار پرۆژەی خزمەتگوزاری لە هەولێر جێبەجێ دەکرێت
964+
توانا نەقی
بەگوژمەی 59 ملیار دینار چەندین پڕۆژە لە سەرجەم سێکتەرەکانی ئاو، کارەبا، شەقام، ئاوەڕۆ و خزمەتگوزاریی دیکەی پێویست لە هەولێر ئەنجام دەدرێت.
ئەمڕۆ چوارشەممە، پارێزگای هەولێر بڵاویکردەوە، ئەو پرۆژانە لە چوارچێوەی پرۆژەی پەرەپێدانی پارێزگای هەولێرە و رەزامەندیان بە گوژمەی زیاتر لە 121 ملیار دینار بۆ وەرگیراوە.
دەشلێت، لەو بڕە پارەیە 59 ملیار دیناری بۆ پرحژەی خزمەتگوزارییە لە بوار ئاو، کارەبا، شەقام و ئاوڕۆ و چەندانی دیکە لە سەنتەری شاری هەولێر.
ئەو پرۆژانە بەپێی پێویستی ناوچەو گەڕەکەکان لەناو سەنتەری شاری هەولێر دابەشی سەر شارەوانییەکان دەکرێت.
پرۆژەکانی دیکەش لەسنووری هەولێر و هەر 10 قەزا و ماۆیەکانی بەزووترین کات دەچێتە بواری جێبەجێ کردنەوە، پارێزگای هەولێر وادەڵێت.
