432 هەزار دینارە
وەزارەتی پێشمەرگە: سبەی هاوکارییەکانی هاوپەیمانان دابەشدەکرێت
964+
ژووری هەواڵ
سبەی پێنجشەممە، دەستدەکرێت بە دابەشکردنی هاوکارییەکانی هاوپەیمانان بۆ هێزی پێشمەرگە و هەر پێشمەرگەیەک شمولی بکات 432 هەزار دیناری پێدەدرێت.
ئەمڕۆ چوارشەممە 17.7.2024، وەزارەتی پێشمەرگە لە راگەیەندراوێکدا بڵاویکردەوە، هاوکاری هێزەکانی هاوپەیمانان بۆ هێزی پێشمەرگە خراوەتە سەر هەژماری وەزارەتی پێشمەرگە و سبەینێ دابەشدەکرێت.
وەزارەتی پێشمەرگە راشیگەیاند، بەڕێوەبەرایەتی گشتیی بودجە و بەرنامەکان ‘ژمێریاری سەربازی’، رێکارە دارایی و ژمێریارییەکانی ئەنجام داون و بانکەکانی ئاگادارکردوونەتەوە، کە رۆژی پێنجشەممە 18ـی تەمووزی 2024، هاوکاری مانگی شەش دابەشبکرێت.
جیا لەو هاوکارییە، بڕیارە هەر سبەینێ، 18.7.2024، موچەی هەردوو مانگی پێنج و شەشی وەزارەتی پێشمەرگە دابەشبکرێت.