دیمەنی سەرۆکی زانکۆی و پارێزگاری هەڵەبجە لە ناو یاریگای داخراوی هەڵەبجە.وێنە زانکۆی هەڵەبجە
لەلایەن زانکۆوە
یاریگای داخراوی هەڵەبجە کرایەوە
964+
توانا نەقی
لەلایەن زانکۆی هەڵەبجەوە یاریگای داخراوی هەڵەبجە بەشێوەیەکی مۆدێرن کرایەوە و کە جگە لەو گۆڕانکاریانەی لە یاریگاکە کراوە بەشێکی باشی نۆژەنکراوەتەوە.
ئەمڕۆ چوارشەممە، زانکۆی هەڵەبجە بڵاویکردەوە، مەراسیمێکیان بۆ کردنەوەی ئەو یاریگا داخراوە رێکخستووە و یاریگاکەیان بەرووی وەرزشوانانی هەڵەبجەدا بە ئاستێکی باشی مۆدێرن و کوالێتی کردووەتەوە.
دەشلێت، ئەو یاریگا داخراوە سوودی بۆ هەموو گەنجان دەبێت و بەتایبەت خوێندکارانی بەشەجیاوازەکانی زانکۆی هەڵەبجە لێی سوودمەند دەبن.
پرۆژەکە پێکدێت لە دروستکردنی سیاجی کۆنکرێتی زەوی دەورووبەری یاریگاکە و ئۆفیسی یاریگاکە و نۆژەنکردنەوەی یاریگای داخراو.
پێشتر فەلاح حەسەن بەڕێوەبەری ئەندازە و پرۆژەکانی زانکۆی هەڵەبجە بە 964ی وتبوو، یاریگاکە یاریگای فوتساڵی شەش یاریزانیە و تیایدا ئیدارەیەک بۆ یاریگاکە دروست دەکەن و هەروەها شوێنی خۆگۆڕین و دەستشۆر و پێداویستیەکانی وەک توالێتی لێ دەبێت.
بوجەی پڕۆژەکە پێکهاتووە لە 274 ملیۆن و 122 هەزار دینار و لە ماوەی 123 رۆژ لەلایەن کۆمپانیای هاوشێوە جێبەجێ کراوە.