"مامەڵەی هەوایی هەیە"
بەهای دۆلار بەرزبووەتەوە و باس لە یاریكردن بە نرخەكەی دەكرێت
+964
شیراز عەبدوڵا- هەولێر
ئەمڕۆ چوارشەممە 3.7.2024 بەهای 100 دۆلاری ئەمریكی لە بۆرسەی هەولێر خەریكە دەبێتە 149 هەزار دینار و 100 دیناری بۆ ئەمە كەمە، پێشبینییەكانی بازاڕەكەش وای بۆ دەچن هێشتا نرخی دۆلار بەرزتر بێتەوە.
بۆرسەی هەولێر جمەی دێت و خەڵكێكی زۆر بۆ ئالوگۆڕی دینار و دۆلار روویان تێكردووە، كە لەگەڵ رۆژانی رابردوو جیاوازتر دەردەكەوێت.
کەیفی خۆشناو ئەنجومەنی بۆرسەی ئاڵوگۆڕی دراوی هەولێر بۆ 964 باس لە هۆکارەکانی بەرزبوونەوەی بەهای دۆلار دەکات و دەڵێت، كەسانێك هەن یاری بە نرخی دۆلار دەكەن، بۆیە پێویستە حكومەتی عێراق و بانكی ناوەندی بێنە سەر خەت و رێگری لەم یاریكردنە بە نرخی دۆلار بكەن.
پێداچوونەوە: ئەرسەلان عەبدوڵا