گرافیک 964
تەنیا زیانی مادی هەبووە
ئاگر لە هۆڵی نەشتەرگەری نەخۆشخانەی منداڵبوونی دهۆک کەوتەوە
964+
زەید کۆچەر – دهۆک
نزیکەی کاتژمێرێک پێش ئێستا ئاگر لە یەکێک لە هۆڵەکانی نەشتەرگەری ناخۆشخانەی ژنان و منداڵبوونی دهۆک کەوتەوە و تانیا زیانی مادی هەبووە.
ئاگرەکە بەپێی لیکۆلینەوە سەرەتاییەکان بەهۆی ئۆکسجینی ناو هۆلی نەشتەرگەرییەکەوە سەری هەڵداوە، بەڵام تاوەکو هۆکاری سەرەکی نازانرێت و تیمی بەرگری شارستانی لە لیکۆلینەوەکانیان بەردەوامن.
بێوار عەبدولعەزیز، بەرپرسی راگەیاندنی بەرگری شارستانی دهۆک بە 964ـی وت، دوای کەوتنەوەی ئەو ئاگرە لە هۆڵی نەشتەرگەری نەخۆشخانەی ژنان و منداڵبوونی دهۆک تیمەکانیان هەرزوو گەشتوونەتە شوێنی رووداوەکە و کۆنترۆڵیان کردووە
وتیشی، بەهۆی ئاگرەکەوە هیچ زیانی گیانی نەبووە، بەڵام کەلوپەلی ناو هۆڵەکە بەتەواوی سووتاون و لەو کاتەدا بەهۆی ئەوەی کاتژمێر 5:00ـی ئێوارە دەوام تەواو دەبێت کەسی لێ نەبووە.
مەتین جەمیل، بەرپرسی راگەیاندنی تەندروستی دهۆک بە 964ـی وت، بەهۆی دوکەڵی ئاگرەکەوە چەند کەسێک کە لە نەخۆشخانەکە ماونەتەوە تەنگەنەفەس بوون و گەستراونەتەوە بۆ نەخۆشخانەی ئازادی و فریاکەوتنی دهۆک.
پێداچوونەوە: توانا نەقی