قوتابییەکى پۆلى 12ـى ئامادەیى نەگەیشت بە هۆڵى تاقیکردنەوەو گیانى لەدەست دا

دیلان محەمەد جەزا

بەیانی ئەمڕۆ قوتابیەکی پۆلی 12ـى لە کاتی چونی بۆ هۆڵی تاقیکردنەوەکان ئۆتۆمبێلەکەی لە کۆنتڕۆڵ دەرچووە و گیانی لەدەستدا.

عومەر عەلی بەڕێوەبەری هاتوچۆی چەمچەماڵ بە 964ـى وت، بەیانی ئەمڕۆ قوتابیەکی پۆلی 12 لەکاتی چوونی بۆ تاقیکردنەوە لەسەر رێگای نێوان تەکیە – چەمچەماڵ ئۆتۆمبێلەکەی لە کۆنتڕۆڵ دەرچووە و وەرگەڕاوە.

باسی لەوەکرد، لە رووداوەکەدا شۆفێرەکە کە قوتابى پۆلى 12ـى ئامادەیى بووە و بەڕێگاوەبووە بەرەو هۆڵى تاقیکردنەوە، گیانى لەدەستداوە.

رووداوەکە کاتژمێر 7:30 خولەکى بەیانى ئەمڕۆ روویداوە کە یەکەم رۆژى دەستپێکردنى تاقیکردنەوەکانى پۆلى 12ـى ئامادەییە.

پێداچوونەوە: وریا فەتاح