داخستنی دوو دوکانی فرۆشتنی جگەرەی ئەلیکترۆنی لە سلێمانی. فۆتۆ: قایمقامیەتی سلێمانی
چییان فرۆشتووە؟
دوو شوێنی فرۆشتنی جگهرهی ئهلیكترۆنی داخران
964+
ئهرسهلان عهبدوڵا
بههۆی فرۆشتنی جگەرەی ئەلیکترۆنی بە مێردمنداڵانی تهمهن ژێر 18 ساڵی، دوو شوێن له سلێمانی داخران.گ
قایمقامییهتی سلێمانی ئهمڕۆ سێشهممه 6.11.2024 رایگهیاند، دوو دوكانی فرۆشتنی تووتن و ڤهیپیان داخستووه، كه جگەرەی ئەلیکترۆنییان به مێردمنداڵانی تهمهن ژێر 18 ساڵان فرۆشتووه.
سهرچاوهكه دهڵێت، له راپۆرتی لیژنهی باڵای قایمقامییەتی سلێمانیدا هاتووە، لەسەر زانیاریی بەشی چاودێریی بەڕێوەبەرایەتیی ئاسایش و بههۆی پابهندنهبوون به مهرج و رێنماییهكانی كاركردن و فرۆشتنی جگەرەی ئەلیکترۆنی بە مێردمنداڵانی تهمهن ژێر 18 ساڵ، دوو دوكان لە شەقامی کاک ئەحمەدی شێخ و جیهانی جگەرە و نێرگەلەی هێکسا لە بازاڕی کاسۆمۆڵ دادەخرن.
قایمقامییهتی سلێمانی ئاماژه بهوه دهكات، بەپێی رێنماییەکانی کارکردن، نابێت دوكان و ماركێتهكان جگهره و جگهرهی ئهلیكترۆنی به مێردمنداڵان بفرۆشن، ههروهها هۆڵهكانی بلیارد، گازینۆ، كافیتریا و شوێنی نێرگهلهكێشان، باڕ و دوكانهكانی فرۆشتنی خواردنهوه كحولییهكان، رێگریی لە منداڵی نەوجەوان و تهمهن ژێر 18 ساڵان بکهن بۆ شوێنەکانیان و نێرگهله و خواردنهوه كحولییهكانیان پێ نهفرۆشن، بە پێچەوانەوە رووبەڕووی رێکارە یاساییەکان دەكرێنەوە.
قایمقامیهتی سلێمانی ههروهها رایدهگهیهنێت، بۆ گەیاندنی سکاڵا و زانیاری بە قایمقامییەت و لیژنە هاوبەشەکان، هاوڵاتیان دهتوانن پەیوەندی بە ژمارە مۆبایلی (07708677777)ـەوە بکەن.
