خۆبەخشەکانی گەرمیان: بایکۆتی ناوەندە تەندروستییەکان پەیامە بۆ دامەزراندنمان

964+
ئەحمەد مستەفا

نوێنەرانی نزیکەی 250 کارمەند لە کوڕ و کچانی خۆبەخش لە ناوەندەکانی تەندروستیی گەرمیان دەڵێن، ئەو بەڵێنەی پێمان دراوە بۆ دامەزراندنمان کاتی خۆیەتی جێبەجێ بکرێت.

ئەوان پەیامێکیان هەیە و ئەمڕۆ شەممە 13.4.2024 بڵاویانکردووەتەوە و ئاراستەی جێگر و سەرۆکی حکومەت، وەزیری تەندروستی، بەڕێوەبەری تەندروستیی گەرمیان و سەندیکای کارمەندانی تەندروستیی گەرمیان- یان کردووە و بە روونی باس لەوە دەکەن، “بۆ ماوەی چەند مانگێکە بایکۆتی دەواممان کردووە چاوەڕێی ئەوە دەکەین بە دەم داواکارییەکەمانەوە بێن”.

دەشڵێن، “ماوەی 12 ساڵە بێ بەشین لە دامەزراندن، هەر ساڵە و بە هۆکارێك لە ماوەی ئەم چەند ساڵەدا پاڵپشتێکی تەواوی بەڕێوەبەرایەتیی گشتیی تەندروستیی گەرمیان بووین، چی لە کاتی سەرهەڵدانی شەڕی داعش و لە کاتی سەرهەڵدانی نەخۆشی ڤایرۆسی کۆرۆنا”.

باس لەوەش دەکەن، “بە هەزاران نەخۆشیان چەرەسەرکردووە، دوابەدوای ڤایرۆسی کۆرۆناش راستەوخۆ بەشداربوون، لە چارەسەری توشبووانی نەخۆشی کۆلێرا و هەوکردنی پەردەی مێشکی منداڵان، ئێستاش دوای هەموو ئەو خزمەتانە، کە بە تەندروستیی ناوچەکەیان گەیاندووە، بە مافێکی رەوای خۆیانی دەزانن دابمەزرێن”.

ئەو نوێنەرانە دەڵێن، “چەندین جار، سەردانی زۆر شوێن و بەرپرسمان کردووە، تائێستا تەنیا بەڵێنمان پێدراوە بۆیە کاتی ئەوە هاتووە بەڵێنەکان کە مافێکی رەوای خۆمانە، جێبەجێ بکرێت و وەک شارەکانی دیکە، هەولێر، دهۆک، زاخۆ و هەڵەبجە دابمەزرێین، کە ماوەیەکی زۆرە ناوچەی گەرمیان لە دامەزراندن بێبەش کراوە”.

خوێندکارانی کۆلێژی پزیشکی گەرمیان کۆتاییان بە بایکۆت ھێنا

خوێندکارێکی زانکۆی گەرمیان ھەڵە لە کتێبێکی پزیشکی دەدۆزێتەوە