ئەو بارهەڵگرەی ئەمڕۆ لەرێگای ناحیەی رزگاری وەرگەڕاوە. وێنە:هاتوچۆی گەرمیان.
لە گەرمیان
بارهەڵگرێک وەرگەڕا و شۆفێرەکەی گیانی لەدەستدا
964+
فەهمی نەبی
هاتوچۆی گەرمیان رایگەیاندووە، ئێوارەی ئەمڕۆ شەممە بەهۆی وەرگەڕانی بارهەڵگرێک شۆفێرەکەی گیانی لەدەستداوە.
بەپێی راگەیەنراوی هاتوچۆی گەرمیان بارهەڵگرەکە بە ئاراستەی ناحیەی رزگاری بۆسەر رێگای سەرەکی هاتووە و لەنزیک گوندی کەواچەرموو کۆنترۆڵی لە دەستداوە و وەرگەڕاوە، بەهۆیەوە شۆفێرەکەی گیانی لە دەستداوە.
وەک لە وێنەکە دەردەکەوێت بارهەڵگرەکە تایبەتە بە گواستنەوەی غازی LPG، هاتوچۆی گەرمیان دەڵێت، شۆفێرەکە لەدایکبووی ساڵی 1967-ە، واتا تەمەنی 57 ساڵە، دانیشتووی قەزای کەلارە.
هێشتا نازانرێت هۆکاری رووداوەکە چی بووە، هاتوچۆی گەرمیان دەڵێت، لەلایەن تیمی هاتووچۆوە لێکۆڵینەوە لەرووداوەکە دەستیپێکردووە.
