دیمەنی یەکێک لە باخچەکانی ناوشاری سلێمانی - وێنە: بەڕێوەبەرایەتیی باخچەکانی سلێمانی
508 باخچە و 90 بلوارن
باخچەکانی سلێمانی 228 بیریان هەیە و هێشتا ئاو بەشیان ناکات
964+
پێشەوا محەمەد
باخچە و بلوارەکانی سلێمانی خاوەنی 228 بیرن، بەڵام لە وەرزی هاویناندا بەشیان ناکات و دەبێت بەشێکیان بە تانکەر ئاو بدرێن.
لەناو شاری سلێمانی 508 باخجە و نزیکەی 90 بلوار بوونیان هەیە، بەڕێوەبەرایەتیی باخچەکانی سەر بە شارەوانیی سلێمانی سەرپەرشتیان دەکات.
عەلی حامید، وتەبێژی بەڕێوەبەرایەتیی باخچەکانی سلێمانی بۆ 964ـی روونکردەوە، لە وەرزی هاویناندا ئەو ژمارە بیرە بەشی هەموو باخچەکان ناکەن، بۆیە لە بەشێکی باخچەکاندا خەزانیان دروستکردووە و بەشێکی دیکەشیان هاوینان هەفتەی دوو جار لە رێگەی تانکەرەوە ئاو دەدرێن.
وتیشی، “سەوزکردنی باخچەکان بەردەوامە و ساڵی رابردوو 29 باخچەی دیکە سەوز کراون و هەموو ئەو باخچانەش هاوینان پێویستیان بە ئاوە و دەبێت بۆیان دابین بکرێت”.
ساڵی رابردوو باخچە و بلوارەکانی شاری سلێمانی 400 ملیۆن لیتر ئاویان پێویست بووە.
