قۆناغی ئامادەکارییە
لە هەولێر پاڵەوانیەتی شەترەنج بەڕێوەدەچێت
964+
هێژا خەسرەو ـ هەولێر
بە سەرپەرشتی یانەی شەترەنجی مەلیک پاڵەوانیەتی شەترەنج بۆ 100 یاریزان لەسەرجەم تەمەنەکان و لەسەر هەردوو ئاستی کچان و کوڕان بەڕێوەچوو.
پاڵەوانیەتییەکە بە سیستمی رەیتینگ کرا و ماوەی دوو رۆژ دەخایەنێت، زۆربەی یاریزانانیش لە بەرزترین ئاستدا بوون.
دانەر جەمال، سەرۆکی یانەی شەترەنجی مەلیک بە 964ی وت: ئەم پاڵەوانیەتییە بۆ ئەوەیە یاریزانان لە یەک نزیکببنەوە، باشترین یاریزانەکان بەشدارن، دەمانەوێت سوود ببینن و لە پاڵەوانیەتییەکانیتردا ئەزموونیان هەبێت.
یانەی شەترەنجی مەلیک جگە لەم پاڵەوانیەتییە بەنیازە لە دوای ئەم هەنگاوە هەڵسەنگاندن بۆ یاریزانەکان بکات و لە پاڵەوانیەتییەکی نوێدا بەشدارییان پێبکات.
