لۆید ئۆستن وەزیری بەرگریی ئەمریکا. فۆتۆ: ئاژانسەکان
"بوهستن ئهگینا زیاترمان ههیه"
وهزیری بهرگریی ئهمریكا ههڕهشهی هێرشی زیاتر دهكات
964+
ئهرسهلان عهبدوڵا
لۆید ئۆستن وەزیری بەرگریی ئەمریکا رایگهیاند، پێویسته میلیشیا عێراقییهكان هێرشهكانیان بوهستێنن، چونكه ئهمریكا هێشتا هێرشی زیاتریان بۆیان دهبێت.
ئۆستن ستایشی ئەو “لێهاتوویی و پیشەییانەی” کرد کە لە لایەن سوپاوە لە هێرشهكانیان بۆ سهر بنكه و بارهگاكانی حزبوڵای عێراق لە جورفلسەخهر لە بابل و قائیم لە پارێزگای ئەنبار ئەنجامیان داوه.
وهزیری بهرگریی ئهمریكا له بهیاننامهیهكدا رایگهیاند، “بە رێنمایی سەرۆک بایدن، هێزە سەربازییەکانی ئەمریکا هێرشی پێویست و رێژەیییان ئەنجامدا بۆ سەر سێ دامەزراوە کە میلیشیای کەتایب حزبوڵڵای سەر بە ئێران و گرووپەکانی دیکەی سەر بە ئێران، كه لە عێراق بەکاریان دەهێنن”.
ئاماژەی بەوە شکرد، “ئەم لێدانە وردانە وەڵامێکی راستەوخۆیە بۆ زنجیرەیەک هێرشانهی دژی کارمەندانی ئەمریکا و هاوپەیمانان لە عێراق و سوریا لەلایەن میلیشیاکانی سەر بە ئێرانەوە ئهنجامدراون”.
ئۆستن جەختی لەوە کردەوە خۆی و سەرۆک بایدن درێغی ناکەن لە گرتنەبەری ۆێوشوێنی پێویست بۆ بەرگریکردن لە سەربازانی ئەمریکا و بەرژەوەندییەکانی ئەمریکا لە ناوچەکەدا.
لە کۆتاییدا وتی: ئێمە هەوڵی پەرەپێدانی ململانێیهکان لە ناوچەکەدا نادەین، بەڵکو ئامادەکاری تەواومان هەیە بۆ گرتنەبەری رێوشوێنی زیاتر بۆ پاراستنی گەل و ئیمکانیهتەکانمان، بۆیە داوا لەو گرووپانە و سپۆنسەرە ئێرانییەکانیان دەکەین کە دەستبەجێ هێرشەکان ڕابگرن، ئهگینا هێرشی دیكهشمان دهبێت”.
بهرهبهیانی ئهمڕۆ هێزەکانی ئەمەریکا چهند پێگهیهكی حزبوڵڵای عێراقییان لە قائیم و جەرەفولسەخر بۆردومان کردووه، ههروهها هێزهكانی حەشدی شەعبیش رایانگهیاند هێرش كراوهتهسهر ئهوانیش و کوژراو و برینداریان هەن.
