لە زیندان کێڵگەی بەخێوکردنی بەرزای هەبوو
تاکە پیاوێک هەموو ئیکوادۆری خستووەتە حاڵەتی ئامادەباشییەوە
964+
ژووری هەواڵ
بەشێوەیەکی گوماناوی سەرۆکی مافیای (لۆس چێنێرۆس) لە زیندان رایکردووە و گومان دەکرێت بەرپرسانی ئەو وڵاتە تێوەگلابن لە راکردنی.
فیتۆ، نازناوی ئەو پیاوەیە کە ئیکوادۆر بۆی وێڵە، سەرۆکی گەورەترین مافیای مادەی هۆشبەر و سەرانە سەندنە.
رۆژی 25ی کانوونی یەکەمی رابردوو لە زیندان نەماوە، دوای بێهیوابوون لە دۆزینەوەی لە رۆژی یەکشەممەوە سەرۆکی ئیکوادۆر قەدەغەی هاتوچۆی راگەیاندووە، ئێستا هەموو سوپا و پۆلیس بۆ فیتۆ دەگەڕێن.
پێشتر ئەم پیاوە مەترسیدارە لە ساڵی 2013 فیتۆ لە زیندان هەڵهاتووەو دوای دەستگیرکردنەوەی مەرجی بۆ حکومەت هەبووە، لەوانە دەبێت بەشێکی تایبەتی هەبێت لە زیندان و بەرگی زیندانییەکان لەبەر ناکات، ئینتەرنێت و مۆبایلی هەبووە و داوای دلیڤەری کردووە، هەر لەوێ مەلەوانگە و کێڵگەی بەخێوکردنی بەرازی هەبووە.
دەوترێت بە پشتیوانی بەرپرسانی حکومەت لە دەرگای زیندانەکەوە رایکردووە.
