ژیانی رۆژانەی سەرۆکی زانکۆی سلێمانی
سەرۆکی زانکۆیە و دەستبەرداری نەخۆشەکانی نەبووە
964+
دیلان محەمەد جەزا – سلێمانی
پزیشکێک دوای بوونی بە سەرۆکی زانکۆی سلێمانی، نەخۆشەکانی بەجێنەهێشتووە و شەوانە تا درەنگ نەخۆش دەبینێت.
د.کۆسار محەمەد لە ساڵی 2022-ەوە سەرۆکی زانکۆی سلێمانیە، رۆژانە وەک سەرۆکی زانکۆی سلێمانی لە ئەرکدایە، دوای تەواو بوونی ئەرکی وەک سەرۆکی زانکۆ، دەچێتە کلینیکەکەی و چاوی بە نەخۆشەکانی دەکەوێت.
لە شەو و رۆژێکدا نزیکەی پێنج کاتژمێر دەخەوێت، بەڵام شەوانە تا کاتژمێر 12ی شەو دەمێنێتەوە لەبەر نەخۆشەکانی.
خۆی دەڵێت، بەردەوام نەخۆشەکان پێم دەڵێن، “ئەو پارەیەی خەرجی دەکەین لە نۆرینگەکەت پێت حەلال بێت”.