چهند دیمهنێكى پێشوو و ئێستاى سهراى كفرى... وێنه: شوێنهوارى ههرێمی كوردستان
95%ـى نۆژهنكراوهتهوه
هێندهى نهماوه كفرى ببێتهوه خاوهن “سهرا”کەى جارانى
فهرهاد حهسهن
نۆژهنكردنهوهى سەرای کۆنى قەزای کفری لە قۆناغەکانی کۆتاییدایە و بهڕێوهبهرى گشتى شوێنهوارى ههرێمیش دهڵێت 95%ـى كارهكانى تهواو كراوه.
له سهرهتاكانى ساڵى 2022 دهست به نۆژهنكردنهوهى ئهم سهرایه كراوه و لهلایهن جێگری سەرۆکی حکومەتی هەرێم بودجهى بۆ دابینکراوە.
سهراکه، له ساڵى 1919 لهلایهن ئینگلیزهكانهوه دروستكراوه و جگه له چهند فهرمانگهیهكى میری ئهوكات، كارهكانى دادگاش لهو شوێنه بهڕێوهبراوه.
كهیفی مستهفا، بهڕێوبهرى گشتى شوێنهوارى ههرێمی كوردستان، به 964ـى وت، ماوهى دوو ساڵه كارى نۆژهنكردنهوه لهو سهرایه بهردهوامه و ئێستاش تهنیا 5%ـى كارهكانى ماوه.
وتیشی “ههردوو نهۆمهكهى ئهم سهرایه لهسهر شێوازى دێرینی خۆی نۆژهنكراونهتهوه”.
ئاماژهى بهوهشكرد، پلانێك لهلایهن حكومهتهوه ههیه ئهو شوێنه دواى تهواوكردنى بكرێته شوێنیکی کلتوری و گەشتیاری و فەرهەنگی و قاوهخانه و چێشتخانهشی لهناودا دروستبكرێن.
لە ناوەڕاستی سەدەی نۆزدەدا، کفری یەکێک بووە لە قەزا سەرەکییەکانی لیوای کەرکووک، لە سەرەتای پەنجاکانی ھەمان سەدەدا لەگەڵ قەزای قەرەتەپە، قەزای زەنگاباد و قەزای دووزخورماتوودا لە لیوایەکدا کۆکراونهتەوە، له سەردەمی عوسمانیدا قەزای کفری لە سیستەمی ئەیالەتدا لیوا بوو، بەڵام لە سیستەمی ویلایەتدا بووە قەزا.
