بەلەمێکی بچووک ژمارەیەک کۆچبەری هەڵگرتووە _ وێنە: رۆیتەرز.
بۆ کەنارە ئاوییەکانی تورکیا و یۆنان
دەزگای لووتکە: 250% کۆچ بۆ کەنارە ئاوییەکانی یۆنان زیادی کردووە
964+
ئەحمەد مستەفا
دەزگای لووتکە بۆ کاروباری ئاوارە و پەنابەران دەڵێت، لە تورکیا کۆچکردن و گەیشتن بە کەنارە ئاوییەکانی یۆنان، ئەمساڵ بەراورد بە ساڵی رابردوو بە رێژەی 254.7% زیادی کردووە.
بە قسەی لووتکە بێت، دەسەڵاتدارانی یۆنان، پاڵنەرە نایاساییەکانیان چڕتر کردووەتەوە و بەردەوام بە “نایاسایی” کۆچبەرەکان دەگەڕێننەوە بۆ ئاوەکانی تورکیا بە هەمان ئاراستە و هەمان کات، بەبێ ئەوەی بگەنە سەر وشکانی.
ئەمڕۆ دووشەممە 4.12.2023 دەزگای لووتکە بۆ کاری ئاوارە و پەنابەران بڵاویکردەوە، سەرەڕای زیادبوونی رێژەی هاتن، تەنیا لە پێنج مانگی رابردوودا زیاتر لە 14 هەزار کەس، بە توندوتیژی لە دەریای ئیجە لە لایەن دەسەڵاتدارانی یۆنان گەڕێندراونەتەوە بۆ تورکیا.
هەر بە پێی ئەو ئامارانەی دەزگای لووتکە بڵاوی کردووەتەوە، تەنیا لە مانگی تشرینی دووەمی ئەمساڵدا، 70 حاڵەتی پاڵنانی نایاسایی لە دەریای ئیجە تۆمارکراوە، کە لەلایەن پاسەوانی کەناراوەکانی هێلینیکەوە ئەنجامدراوە، هەروەها 2 هەزار و 56 کەس، منداڵ، ژن و پیاو، مافی پەنابەرییان لێ زەوت کراوە.
