نەخشەیەک کە بەشە داخراوەکەی شەقامی دابان پیشاندەدات. فۆتۆ: شارەوانی سلێمانی
شەقامەکە نۆژەندەکرێتەوە
سبەی شەقامێکی سەرەکی سلێمانی دادەخرێت
964+
ژووری هەواڵ
سبەی هەینی 24.11.2023، شەقامێکی سەرەکی لە شاری سلێمانی بەربەست دەکرێت، شارەوانی ئاگادارییەکی بڵاوکردووەتەوە و دەڵێت، رێگەیەکی جێگرەوەیان دیاریکردووە.
هۆکاری داخستنی بەشێک لە شەقامی دابان لە کارێزە وشک، نۆژەنکردنەوەی رێگەکەیە و لە بەردەم مزگەوتی دارسلام بە ئاراستەی مزگەوتی شەفیق بەگ بەربەست دەکرێت.
ئەمڕۆ پێنجشەممە 23.11.2023، زەردەشت رەفیق، بەڕێوەبەری راگەیاندنی شارەوانی سلێمانی بە 964ـی راگەیاند، بەربەستکردنی شەقامەکە لە کاتژمێر 8:15 خولەکی بەیانی دەستپێدەکات و تا کاتێکی نادیار دادەخرێت.
شۆفێران دەتوانن رێگەی بەرامبەر مزگەوتی شەفیق بەگ، بەرەو شەقامی کۆڕەو بەکاربهێنن.
