شارەوانیی سلێمانی زێدەڕۆییەکان لادەبات
ئەم هاوینە دوو کەس بەهۆی شت کڕینەوە لەسەر شەقام گیانیان لەدەستداوە
+964
دیلان محەمەد – سلێمانی
لە ماوەی هاوینی ئەمساڵدا دوو کەس بەهۆی شت کڕینەوە لەسەر شەقام گیانیان لەدەستداوە، کە ویستوویانە لەو میوەفرۆش و کاسبکارانە شت بکڕن، لە بە زیادەڕۆیی لە شەقام و بازاڕەکان پیکاب و عارەبانە رادەگرن، ئەمە بە قسەی شارەوانیی سلێمانی.
عوسمان عارف، بەرپرسی بەشی زیادەڕەوی لە شارەوانیی سلێمانی بۆ 964 قسەی کردووە و پلانەکانیان بۆ لابردنی زێدەڕۆییەکان لە چەند شەقام و بازاڕێکی سلێمانی ئاشکرا دەکات.
پێشتر چەند جارێک شارەوانیی سلێمانی هەوڵی لابردنی ئەو زیادەڕۆییانەی داوە، بەڵام دواتر دروستبوونەوە.
