دژە تیرۆر بە فەرمی رایگەیاند: بە سێ درۆن هێرش کراوەتە سەر هەولێر

964+

ژووری هەواڵ

دژە تیرۆری کوردستان لە پەیجی فەرمی خۆی رایگەیاند کە بە سێ درۆن هێرش کراوەتە سەر بنکەی هاوپەیمانان لە تەنیشت فڕۆکەخانەی هەولێر، بەڵام دوان لە درۆنەکان لە ئاسمان تەقێندراوەتەوەو ئەوەی سێیەمیان بە نەتەقیوی کەوتە خوارەوە.

دژە تیرۆری کوردستان دەڵێت: بەرەبەیانی ئەمڕۆ سێشەممە 7ی تشرینی دووەمی 2023، لە ڕێگەی دوو درۆنی بۆمبڕێژکراو هێرش کرایە سەر بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی نێودەوڵەتیی هەولێر و لە ئاسماندا تەقێندرانەوە.
بەیانیی ئەمڕۆ لە هێرشێکی دیکەدا بۆ سەر هەمان شوێن، درۆنێکی بۆمبڕێژکراو بەنەتەقیوی کەوتە خوارەوە.
پێشتر 964 لە زاری چەند شایەتحاڵێکەوە بڵاویکردەوە کە لە هەولێر دەنگی بەرز بیستراوە.