چەند کارمەندێکی پاککەرەوە لە هەڵەبجە لە کاتی ئەرکەکەیاندا - وێنە: شارەوانیی هەڵەبجە
هەر گەڕەكێک دوو تۆنی بەردەکەوێت
هەڵەبجە رۆژانە 88 تۆن خۆڵ و خاشاکی هەیە
964+
پێشەوا محەمەد
هەموو رۆژێک لە هەڵەبجە 88 تۆن خۆڵ و خاشاک فڕێدەدرێت، شارەوانی دەڵێت لە بۆنەکاندا ئەو رێژەیە زیاد دەکات.
شاری هەڵەبجە لە 39 گەڕەک پێکدێت و زیاتر لە 80 هەزار دانیشتووی هەیە.
سەلام بیلال، سەرۆکی شارەوانیی هەڵەبجە بە 964ـی وت، “لە کاتی بۆنەکاندا رێژەی خۆڵ و خاشاکان بۆ 110 تا 120 تۆن بەرز دەبێتەوە”.
وتیشی، “هەموو ئەو خۆڵ و خاشاکی ناو کۆڵان و بازاڕەکەی هەڵەبجەوە لە لایەن یەک کۆمپانیاوە کۆدەکرێتەوە و فڕێدەدرێت”.
بە پێی ئامارەکەی شارەوانیی هەڵەبجە بێت، رۆژانە هەر گەڕەکێک زیاتر لە تۆن خۆڵ و خاشاکی بەردەکەوێت.
“ئەوکاتانەی وەرزی گەشتن لە ناوچە گەشتیارییەکانی سنووری پارێزگای هەڵەبجە خۆڵ و خاشاک زۆرە و لە هەورامان و تەوێڵە و بیارە رۆژانە زیاتر لەو رێژەیەی ناو هەڵەبجەیان دەبێت”، ئەوەش قسەی سەلام بیلالە.
