دەزگایەکی خێرخوازی: پێشتر هاوکاریمان کردوون
هاوكارییه‌كان گه‌یه‌ندرایه ماڵی هونه‌رمه‌ندی كۆچكردوو گۆڤار ئه‌نوه‌ر
+964
په‌یامنێری 964 ئه‌مڕۆ سه‌ردانی ماڵی هونه‌رمه‌ندی كۆچكردوو “گۆڤار ئه‌نوه‌ر”ی كرد، بۆ ئه‌وه‌ی بارودۆخی “ناله‌بار”ی ژیان و گوزه‌رانیان بخاته‌ڕوو، دوای ئه‌وه‌ی شه‌وی رابردوو وابڵاوكرایه‌وه، كه له دوای كۆچی دوایی هونه‌رمه‌نده‌كه، كه‌س لای لێنه‌كردوونه‌ته‌وه و به ده‌م گوزه‌ران و پێداویستییه‌كانیان نه‌چوونه.
برایه‌كی هونه‌رمه‌ندی كۆچكردوو پێی خۆش نه‌بوو وێنه‌ی ماڵ و منداڵه‌كانی گۆڤار ئه‌نوه‌ر بگیرێت و رێگه‌ی نه‌دا.
هاوكات له‌گه‌ڵ سه‌ردانی 964، نوێنه‌رانی چه‌ند ده‌زگایه‌كی خێرخوازی گه‌یشتن و هاوكاری و به‌شێك له پێداویستییه‌كانیان گه‌یاند.
نوێنه‌ری ده‌زگای خێرخوازی حاجی ئیدریس سورچی بۆ 964 قسه‌ی كرد و ئاماژه‌ی به‌وه دا، ئه‌وان پێشتر هاوكاریی خانه‌واده‌كه‌یان كردووه و به‌رده‌وامیش ده‌بن.
هونەرمەندی بوار کۆمێدیا گۆڤار ئەنوەر، کە خەڵکی هەولێرە، ساڵێک لەمەوبەر بەهۆی نەخۆشییەوە کۆچی دوایی کرد و لە دوای خۆیەوە خێزان و سێ منداڵی جێهێشتووە، کە یەکێک لە منداڵەکانیشی نەخۆشە.
داڕشتنه‌وه: ئه‌رسه‌لان عه‌بدوڵا