ژمارەیەک هەلی کار بۆ خەڵکی کۆیە راگەیەندران

964+

هاوبەش ئەبوبەکر

بەڕێوەبەرایەتی گشتی چاودێری و گەشەپێدانی کۆمەڵایەتی لە هەولێر هەشت هەلی کاری بۆ دەرچووانی بەشی پەروەردەی تایبەت راگەیاند و دەڵێت، بۆ خەڵکی کۆیە دەبێت.

بەڕێوەبەرایەتییەکە پێشتر داوای 15 کەسی هەمان بەشی خوێندنی کردبوو، تا ئێستا حەوتیان دەستکەوتووە و هەشتیان ماون.

ئەمڕۆ پێنجشەممە 19.10.2023، 964 زانیاری لە چاکسازی کۆمەڵایەتی ھەرێم وەرگرتووە، ئەو جۆرە هەلیکارانە گرێبەستن و موچەی مانگانەیان 500 هەزار دینار دەبێت.

ناونوسین لەرێگەی فۆڕمێکی ئۆنلاینەوە دەبێت و پێویستە خوازیار لە ماوەی سێ رۆژدا، لە رێکەوتی 19.10.2023ـەوە تاوەکو 21.10.2023 فریای پڕکردنەوەی فۆڕمەکە بکەوێت.

ئەوانەی کە وەردەگیرێن، لە سەنتەری ئۆتیزمی حکومی کۆیە دادەمەزرێن و دەبێت دانیشتووی قەزای کۆیە و دەوروبەری بن.

بۆ پڕکردنەوەی فۆڕم، کلیل لەم لینکە بکە.

ئەگەر پڕۆژەت هەیە حکومەت پارەت پێدەدات