دیمەنی چەند ماسیەکی حەوز لە بازاڕدا. وێنە:964
هه‌زاران له‌ناوچوون
كه‌س نازانێت نه‌خۆشیى ماسییه‌كانى ته‌قته‌ق چییه
964+
شۆڕش هەرکی – هەولێر
نزیکەی مانگێکە نەخۆشییەک بەرۆکی ماسیەکانی سنوورى تەقتەقی گرتووە و به‌هۆیه‌وه هەزاران ماسی لەناوچوون و تا ئێستاش هۆکارەکەی دیارنییە.
خەلیل سەلیم، ژمارەیەک حەوزی ماسی هەیە بۆ 964 وتی، نزیکەی مانگێک لەمەوبەر، چەند ماسیەکی نێو حەوزەکانم مردارببون، بە ئاسایی وەرمگرت، دواتر رۆژ لەدوای رۆژ ژمارەیان زیادی کرد.
وتیشی “له‌ناو حه‌وت حه‌وزدا نزیكه‌ى 25 هه‌زار ماسیم هه‌بوو، ئێستا تەنیا سێ هەزار ماسی بە ساغی ماون، چەندین پرسیار و سۆراغیشم بۆ ئه‌و نه‌خۆشییه کردووه، هیچ پزیشکێکی ڤێتێرنەری زانیاری لەسەرنەبووه”.
ئەو دەڵێت، هاورێی جوتیارم هەیە 100 هەزار ماسی لێی مردار بووەتەوە، چەندین کەسی تریش بەهەمان شێوە ژمارەیەکی زۆری ماسیان لە سنووری تەقتەق مرداربوونە و لەناوچوون.
لەسەر ئەم بابەتە، ئاسۆ مستەفا، بەڕێوەبەری ناحیەی تەقتەق بۆ 964 دووپاتیكرده‌وه، ئه‌و نه‌خۆشییه له‌ناو ماسییه‌كانى سنوورى ناحیه‌كه‌ى هه‌یه و ده‌ڵێت “تا ئێستاش هیچ کەسێک ئەم نەخۆشییەی بۆ ساخ نەبووەتەوە”.
وتیشی “پزیشکی پسپۆرمان لە وڵاتی ئێرانەوە هێناوە، وتوویانە نەخۆشیەکی وەرزی و بە دروستی دیارنییە چییە، بەڵام لەگەل گۆڕانی کەشوهەوا ئەم نەخۆشییە بڵاودەبێتەوە”.
ناحیەی تەقتەق سەربە قەزای کۆیەیە، بەهۆی نزیکی لەزێی بچووک ناوەندێکی گرنگی کشتوکاڵییە و به‌سه‌دان حه‌وزى ماسیی لێیه.
پێداچوونه‌وه: فه‌رهاد حه‌سه‌ن
پزیشكانى میسر عیلاجى ده‌ردى ماسییه‌كانى ته‌قته‌ق ده‌كه‌ن
