کارمەندێکی به‌ڕێوەبه‌رایه‌تی دابه‌شكردنی كاره‌بای كه‌لار لەکاتی جێبەجێکردنی پرۆژەکە. فۆتۆ: کارەبای گەرمیان
90٪ـی پرۆژەکە تەواو بووە
كاره‌بای نیشتیمانی ده‌گه‌یه‌نرێته گوندێكی ناحیه‌ی رزگاری
964+
هاوبەش ئەبوبەکر
بە پرۆژەیەک، كاره‌بای نیشتیمانی ده‌گه‌یه‌نرێته گوندێكی ناحیه‌ی رزگاری لە قەزای کەلار.
پرۆژەکە لەسەر بودجەی 8٪ـی داهاتی فرۆشتنی کارەبا لە گوندی توڵەبی جێبەجێدەکرێت و به‌شێوه‌ی جێبه‌جێكردنی راسته‌وخۆ له‌لایه‌ن به‌ڕێوەبه‌رایه‌تی دابه‌شكردنی كاره‌بای كه‌لاره‌وە ئه‌نجامده‌درێت.
کۆی ئەو بودجەیەی بۆی تەرخانکراوە 92 ملیۆن و 327 هەزار دینارە و زۆربەی ئەو پارەیە خەرجدەکرێت بۆ کڕینی کێبڵ و ستونی کارەبا.
ئەمڕۆ سێشەممە 10.10.2023، ئالان ئەرکان، وتەبێژی بەڕێوەبەرایەتی کارەبای گەرمیان بە 964ـی راگەیاند، بە درێژایی نزیکەی چوار کیلۆمەتر کێبڵ و ستون دادەنرێت بۆ گەیاندنی کارەبا بە گوندەکە.
وتیشی، نزیکەی 90٪ـی پرۆژەکە تەواو بووە و پێشبینیدەکەن لە ماوەی مانگێکدا تەواو بێت.
توڵەبی گوندێکە له سنوری ناحیه‌ی رزگاری سه‌ر به قه‌زای كه‌لار.
