ژمارەی گیانلەدەستدانی رووداوەکەی حەمدانیە زیادیکرد

964+

فەهمی نەبی

بەگوێرەی راگەیەندراوێکی تەندروستی نەینەوا ژمارەی ئەوانەی بەهۆی رووداوەکەی هۆڵی هەیسەم لە قەزای حەمدانیە گیانیانلەدەستداوە  ئەمڕۆ گەیشتووەتە 124 کەس.

ئەمڕۆ هەینی تەندروستی نەینەوا ئەو ئامارەی بڵاوکردووتەوە، ئەمە لەکاتێکدایە دوێنێ ژمارەی گیانلەدستدان 122 کەس بووە.

ئامارەکەی تەندروستی نەینەوا دەریدەخات، تا ئێتسا 20 برینداری رووداوەکە رەوانەی دەرەوەی وڵات کراون، هاوکات لە نەخۆشخانەی کۆماری شاری موسڵ یەک بریندار ماوە و لە هەولێر چوار بریندار و لە دهۆک سێ بریندار ماون.

ئەمڕۆ هەینی شاندێکی تەندروستی لە بەغداوە بەڕێکەوتوون بۆ نەخۆشخانەکانی تورکیا، ئەمەش بۆ چاودێری ئەو بریندارانەی لەو وڵاتە چارەسەر وەردەگرن.

شەوی 26.9.2023 هۆڵێکی حەمدانییە لە کاتی بەڕێوەچوونی ئاهەنگێکی هاوسەرگیری گڕی گرت و بەهۆیەوە 124 کەس گیانیانلەدەست دا و بەو هۆیەشەوە ماوەی سێ رۆژ لە عێراق و هەرێم ماتەمینیی گشتی راگەیەندرا.

تەندروستیی نەینەوا دوایین ئاماری رووداوەکەی حەمدانیەی ئاشکرا کرد