لە رووداوێکی هاتوچۆدا ژن و مێردێک گیانیان لەدەستدا
964+
زەید کۆچەر – دهۆک
نزیکەی کاتژمێر 12ـی شەوی رابردوو، بارهەڵگرێک لەسەر رێگای سێمێل – دهۆک خۆی بە ئۆتۆمبێلێکی تایبەتدا کێشاوە و بەو هۆیەوە دوو کەس گیانیان لەدەستداوە کە ژن و مێردن.
ئازاد تەها، بەرپرسی راگەیاندنی هاتوچۆی دهۆک بە 964ـی وت، کەسێکی دیکەش لەگەڵ ژن و مێردەکە بووە بەڵام ئەو بریندارە و لە نەخۆشخانەیە.
وتیشی، رووداوەکە جگە لە زیانی گیانی، هاوکات زیانێکی زۆری مادیشی لێکەوتووەتەوە.
بەپێی زانیارییەکان، ئەو ژن و مێردە بەتەمەن بوون و دایک و باوکی سەرۆکی شارەوانی سێمێل بوون.
