لیژنەکانی قایمقامیەتی لە کاتی پشکنینی گۆشتەکەدا - وێنە: قایمقامیەتی هەڵەبجە
هەوڵیدا 120 کیلۆ گۆشتی سوور بباتە دەرەوەی هەڵەبجە و دەستگیر کرا
964+
پێشەوا محەمەد
قایمقامیەتی هەڵەبجە دەستی بەسەر 120 کیلۆگرام گۆشتی سوور و مریشک و دوگدا گرت، کە هەوڵ دراوە ببرێتە دەرەوەی پارێزگاکە.
لیژنەکانی قایمقامیەت لە لایەن ئاسایشی شارەزوورەوە لە بازگەی دەرەشیش ئاگادار دەکرێنەوە، کە ئۆتۆمبێلێکیان گرتووە و ویستوویەتی گۆشت بگوازێتەوە.
قایمقامیەتی هەڵەبجە لە زاری دڵنیا فاروق، سەرۆکی لیژنە هاوبەشەکانییەوە ئەمڕۆ پێنجشەممە 14.9.2023 بڵاوی کردووەتەوە، “پاش سەردانیکردنی مەیدانی لیژنەکەمان بۆ بازگەکە، بۆمان دەرکەوت کە بە شێوەیەکی دوور لە رێنمایی تەندروستی و ڤێتەرنەری گواستراوەتەوە و بەشێکی گۆشتەکەش بێ مۆر بوو”.
دەشڵێت، ئەو گۆشتە لەناوبرا و “خاوەنەکەشی رووبەڕووی سزای یاسایی دەکرێتەوە”.
