چەند یاریزانێک لەناو یاریگایەکی بازیاندا - وێنە: socialmedia
لە یاریگا هاتە دەرەوە و بە جەڵدەی دڵ گیانی لەدەستدا
964+
پێشەوا محەمەد
درەنگانی دوێنێ شەوی سێشەممە، کەسێک دوای ئەنجامدانی یاریی تۆپی پێ لە قەزای بازیان لە دەرەوەی یاریگاکە دەکەوێت و گیان لەدەست دەدات.
964 لە تەندروستی بازیانەوە زانیویەتی، ئەو کەسە تەمەنی 44 ساڵ بووە و خێزاندارە.
ئیسماعیل ئەمین، وتەبێژی تەندروستی بازیان بە 964ـی راگەیاند، رووداوەکە دوای کاتژمێر 12ـی شەو بووە، ئەو کەسە یارییەکەی تەواو کردووە، کە هاتووەتە دەرەوەی یاریگاکە کەوتووە و هەر لەوێش گیانی لە دەستداوە.
وتیشی، “هۆکاری مردنەکەی جەڵدەی دڵ بووە و ئەو کەسە خۆی کێشەی دڵی هەبووە، ئەوە یەکەم حاڵەتی لەو شێوەیەیە ئەمساڵ تۆمارمان کردبێت”.
